Tydzień Regionalny w SP 36 w Rybniku

We pyndziałek:
- Prziwiyźli my do małych bajatli Ana Stronczkowa, kiero im piyknie łopowiedziała ło ślonski łoblyczce i zwyczajach
- Strasze szkolorze poszły do Domu Kultury we Boguszowicach na tyjater przirychtowany przez Erny Trzi ło dniu ze życio ślonski baby
- Mlodsi i starsi mogli se posłuchac jak piyknoie grajom na cyjach szkolorze ze Szkoły Muzycznej ze Rybnika

We wtorek:
- Ło utopkach piyrszokom łopowiadała Karina Niweltowa a potym te bajtle tego utopka malowały – no jo by padała, co czasym i za piyknie
- Szpyrka zaro ze rana skwarzyli szkolorze ze gimnazjum (chyba byli niepojedzoni) jak se majom to naszykować pokozała im Ana Pruskowa
- Jak se uplyś koszyk abo co myńszego ze wikliny pokazowały szkolorzom baby ze Koła Gospodyń ze Jonkowic
- Małe bajtle poszły do Domu Kultury - a tam Marek Żyła pokazowoł im tyjater ze lalkami, kiere tyż poradziyły godać po ślonsku
- Cołki dziyń po Rybniku jeździyły klasy sztworte – żeby wiedziały chocioż jaki momy dzielnice we Rybniku i co w nich je fajnego
- szkolorze ze trzecich klas ścigali sie kiery wiy wiyncy ło Ślonsku a wszystkigo pilnowała Małgorzat Chmielewsko

We szczoda:
- drektor ze „familiją” sprwdzoł postrojyni izbow
- łod rana we szkole woniało, bo ci najszczynśliwsi uczyli sie jak upiyc dobry kołocz abo zrobić smaczno kopa - na przikłod na kumunio – tego uczyły zaś baby ze Koła Gospodyń ze Jonkowic
- Ło Maksymilanie Basiście i ło tym jak się robi ksionżki łopowiedzieli Elzbiyta Bimler – Mackiewicz i Jacek Kamiński, kierych do szkoły zaprosiyła Grazyna Szmidtowa
- Kasia Gumulak ze swoimi przirychtowała audycjo ło Jorgu Malcherze ze Chwałowic

We sztwortek
- przijechoł do nos zespoł ze Czechow Breclavanek
- Hania Mrozowa i Gabrysia Gryglakowa przirychtowały konkurs dlo tych, co poradzom szprechać , godać i mówić
- Konkurs ło Rybniku dlo drugich klas przirychtowoł Rafał Fajgier
- Ana Pruskowa prziwiozła do nos Kazia Drewniok, kiero pogodała sie z młodymi ło Śląsku i piyknie pomalowała
- Trzecio f, trocha po zanjomości, piykła kołocz ze Bernadetą Karwotową

We piontek:
- Furgało piyrzi we bibliotyce, bo Koło Gospodyń Wiejskich ze Gotartowic uczyło jak sie szkubie piyrzi - na szczynści te już oszkubane ze gynsi.
- Wszyscy sie piyknie bawiyli na konkursie na nojgryfniejszo Karolinka – ale jo se tak myśla, co nojpiykniesi byli byli ci, kierzi to wymyślyli i prowdziyli czyli Marzyna Kusiowa i Seweryn Ceglarek
- Kasia Musiolikowa sprawdzała kto sie nojwiyncy nałuczoł ło Wojciechu Korfantym
- Próbowali my pobić rekord szkoły we trojoku ale latoś nom sie niy udało, bo było nos yno ( ale sprawdźcie yno czy kaj indzi je tela ludzi, co go chcom tańcować) 192.

No i na tym się nasz tydziyń skończoł i mogymy czekać na nastympny i już wymyślać roztomańte gupoty i szukać roztomańtych ludzi co by nom porozprowiali, pokozali coś a bo nas czegoś ło tym Ślonsku nałuczyli! Jakby kiery mog nom co pokozać abo nas czego nałuczyc ( nojlepi za darmo) to dejcie znać do SP 36 we Rybniku.

Mirka Rydzkowska